لي كراب امممممممممممممممممم

بسم الله الرحمان الرحيم
اليوم جبتلكم العجينة تاع ليكراب ساهلة وماهلة
المقادير
***250 غ فرينة
***03 حبات بيض
***نصف لترحليب دافىء
***50غ زبدة ذائبة
***قرصة ملح
***شكارة فاني
التحضير
نخلطو البيض+الحليب+الزبدة+الخمارة نخلطوهم مليح بالخلاط اليدوي ولا الباتور منبعد نزيدو الفرينة والقرصة تاع الملح والفاني
نلطو مليح يجينا شوية جاري
تصفيها في كسكاس ولا صفاية عينيها كبار
تخليها ترتاح 15د الى 20دقيقة
في مقلة تيفال لازم ماتلصقش دهنيها غير دهنة صغيرة تاع زيت وهزي بالغراف ولا الكابشة وطيبي كي يحمارو قلبيهم على الجهة الاخرى وديرلهم واش تحبي معجون ولا نوتيلا انا اغلب الاوقات نديرهم بالنوتيلا على جال لولاد
شهية طيبة