بيسكوي رولي من مطبخي رووووووووووعة

من طرف ام محمد الجمعة مارس 14, 2014 8:35 pm

الكثير من السيدات يحبو يجربو البيسكوي رولي في الدار ومينجحش Mad

لقيت هاذي الوصفة في احد المنتديات جازاها ربي صاحبة الوصفة وجربتها وتنجح من اول تجربة وتجي 44444444 Very Happy

المقادير

**05 بيض

**زاست ليمون

**02 مغارف كبار ماء فاتر

**125 غ فرينة مغربلة+01 خميرة الحلوى

**125 غ سكر

التحضير

//نخفق البياض مع رشة ملح ونحطو على جنب

//نخفق الصفار مع السكر مع الزاست مليح مليح منبعد نضيفلهم 02 مغارف ماء ونواصل الخفق حوالي 5 د

//نوجد الفربنة +الخمارة ونضيف للصفار بالتناوب مرة البياض مرة الفرينة حتى نكمل ونخلط من التحت للفوق باش مانكسروش البياض

نوجدو السنيوة حوالي 30 على 25 ونديرو فيها ورق غذائي

ندخلوه لفرن مسخن مسبقا على درجة حرارة 180 درجة ونراقبو مليح في طيابو وكي نحوه نقلبوه مباشرة على ورق غذائي ثاني

ونلفوه وهو سخون ونزيدولو سربيتة مبلولة ومعصورة مليح ونخلوه للثلاجة حوالي نصف ساعة

نخرجوه ونحلوه بلعقل وتحشيه باش تحبي من الافضل تاع المعجون المخفف بالماء يجي خفيف ونديكوري كيما تحبي من الفوق

من الافضل تخليه نصف ساعة اخرى في الثلاجة باش تقطعيه

هادو بعض الصور من مطبخي وبعض الافكار للتزيين شهية طيبة جربوه وردولي بالخبر Razz