تارت روووووووووووووووعة اتفضلو
صفحة 1 من اصل 1
تارت روووووووووووووووعة اتفضلو
جبتلكم معاي اليوم تارت هايلة والبنة اممممممممممممممم رهيبة تقدرو تديروها في سهرة ولا تدوها معاكم كي تروحو ضياف راهي تحمر الوجه
تارت الشيكولا بالمورانق ديروها خبزة وحدة ولا تديروها تارتلات منفردة كيما تحبو
العجينة
125غ مارغارين
100غ سكر قلاصي
1 خمارة
فاني
حبة بيض كاملة+صفار بيضة
مغرفة كبيرة مايزينة
200غ فرينة
طريقة العجينة
نخدمو المارغارين +سكر مليح حتى تولي كريمة ثم نضيف الفرينة+مايزينة+خمارة ونبسس الخليط بالايدي حتى يولي مرمل هكداثم نلموها فقط بالبيض لانو هاد لعجينة مالزمش تتعجن وراح نتحصلو على عجينة طرية هايلة نديروها في المول تاعنا ونثقبوها بالفرشيطة ونحطوها في الثلاجة ترتاح نصف ساعة او اكثر نتي والوقت نتاعك
بعد ما ترتاح ندخلوها تطيب
نطيبوها نص طياب انا طيبتها حوالي 20 دقيقة وكل وحدة والفور تاعها المهم راقبيها متحمارش
على درجة حرارة 170د (نشعلها شوية من الفوق )لما نحطوها تطيب نوجدو لافارص تع الشكولاطة
المقادير
200غ شكولا انا استعملت تاع الميزان لي تنباع عادي
4 مغارف كبار مارغارين او زبدة
كاس حليب
مغرفة كبيرة كاكاو
3 حبات كبار بيض
الطريقة
بالباتور نطلع البيض +مغرفة سكر
في كسرونة على النار نضع الشكولا+الحليب+المارغارين+كاكا و ونحرك حتى تذوب ...نحيها من النار ونخليها تبرد غير شوي قيس 5 دقائق
ثم نفرغها على البيض مع الخفق المستمر
نخرج تارت من الفور ونفرغ عليها هاد الخليط السائل ونعاود ندخلها تزيد حوالي نصف ساعة يعني حتى تحكم روحها وتارت تحمار
ضرك نوجدو الميرانغ للتزيين واذا تحبي تخليها هكذاك ثاني تجي بنينة بصح اليرانغ يعطيها شكل رااااائع
الميرانغ
نحتاجو 4 بياض بيض+قرصة ملح نطلعوهم ملييح بالباتور
وكي نخرجوها نزينوها بالميرانغ وترجعيها قيس ما تحمار الميرانغ برك شهية طيبة
وهايليك لاتارت نتاعي واجدة سامحوني ماصورتش المراحل بصح راني شرحتهم بالتفصيل
ام محمد- عدد المساهمات : 98
تاريخ التسجيل : 07/02/2014
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى