تحلية روووووووووووعة في الكيسان

بسم الله الرحمان الرحيم


خلاصت العطلة بصحتكم كامل رانا في فصل الربيع وبدات الحالة تسخن مين ذاك الواحد يحب حاجة باردة وخفيفة اليوم جربت تحلية جات روعة وخفيفة نخليكم مع المقادير

***جينواز ///04 بيضات+150غ سكر+150غ فرينة+01خميرة+01 فانيلا نخلط المقادير مليح ونطيبوها درجة حرارة 180 وكي تطيب وتبرد نفتوها ونسقوها بكوكتال الفواكه دانون يجي روعة واذا ما عندكش سقيها بشاربات عادية وخليها بجهة

***كرام باتسيير
نسخن مليح  نصف لتر حليب
نحطو 40غ نشاء+40غ فرينة +200غ سكر رطب+بيضتان +فانيلا نخلطهم مليح بالمضرب اليدوي ثم نضيف الحليب ونضع الخليط على النار مع الخلط المستمر والسريع بالفوي وعندما يبدى يخثار نحيه من على النار ونزيد نضربو بالخلاط الكهربائي مليح ونخليه على جهة يبرد

***الفلان
ناخذ02 بواطات فلان من الافضل نوارة ويكونو فراز نطيبوه عادي ونخلوه يبرد شوية برك

***الكرام شانتي
نحضر الكرام شانتي ونطلعوها بحليب بارد مليح انا ندير 100غ في نصف كاس حليب

التحضير
نجيبو كيسان التقديم هادى المقادير ديرلك 06 كيسان كيما نتاوعي
ناخذ كاس نضع الجينواز نزيد عليها الكريم باتسيير+ نزيدو شوية جينواز ونحطو من الفوق الفلان ونزينو بالشانتي واي فاكهة عندك وزدت شوية لاجولي درتلها ملون احمر خرجت فوووووووووووووووووور     
نتمنى تجربوها لانها تستاهل
مصورتش المراحل بصح نضن بلي راني شرحتها بالتفصيل الممل