بغرير مستغانم انتاعي من مطبخي

من طرف ام محمد الأحد مارس 16, 2014 10:47 pm

اليوم جبتلكم بغريري الطريقة الاصلية والتقليدية بدون اضافات تاع الجدود ههههههههههههههههه Smile

وانا الحمد لله دايما ينجحلي Embarassed

المقادير

**كيلة فرينة

**خمارة تاع الخبز حوالي مغرف ونصف في الصيف و2 مغارف في الشتاء

**ماء دافىء حوالي لتروربع +ملح

التحضير

نحطو السميد والفرينة في قصعة والخمارة والملح نفرغو الماء ونلمو العجينة بصح ما نعجنوهاش ونزيدو الماء بلعقل ونحكو بكفوف اليد بحركة دائرية حتان يتحلحل مليح السميد والماء عينك هي ميزانك منبعد نشدو كسكاس عيونو كبار شوي Razz

ونصفوه ولي بقالنا في الكسكاس نزيدولو شوي ما دافىء باش يهبط كلش اذا بقاتلك كاش قرصة عجينة في الكسكاس مع التالي هذيك رميها وخلاص

المهم نخلوه يخمر حتان يدير فقاعات ويتضاعف حجمو ونطيبوه على طجين مسخن مليح من قبل على نار متوسطة وكاين لي يحب يزيدلو الزبيب وهو سخون دهنيه بالزبدة منبعد عسلي وكولي بصحتك cheers

ملاحظة///

1**كاين لي يديرو بالروبو تاني ينجح بصح مكاش كيما حاجة نتاع اليد عن تجربة

2**كاين ثاني لي يديروه في مقلة تيفال بصح نقولكم مكاش كيما الطاجين تاع الطين يجي بنة سبيسيال

وكل واحد حر في اختيارو نخليكم مع بغريري مباشرة من طاجيني هههههههههههه